افضل 5 تطبيقات للايفون مجاناً (مفيدة جدا )

اليكم افضل 5 تطبيقات يجب ان تكون مثبتة على الايفون الخاص بك .

حيث ان تعد التطبيقات و البرامج شيء مهم جدا للمساعدة على انجاز المهم اليومية و هنا اقدم لكم 

 افضل 5 تطبيقات مجانية خلال سنة 2023 :- 

1. تطبيق Live Wallpapers for Me 
   نفسك فى خلفيات بتتحرك ؟ ..  ده تطبيق خلفيات فيه صور كتير جدًا وفيه أقسام كتيره تقدر تختار منها، بتختار الصورة اللي تعجبك وتقدر تنزلها وتحطها خلفية للموبايل ولما تدوس عليها تتحرك .. برنامج ممتع و لطيف 
   اضغط للتحميل :- Live Wallpapers for Me
2. تطبيق Dualgram 
   
   
   
   ده تطبيق بيخليك تقدر تصور فيديو بالكاميرا الأمامية والكاميرا الخلفية مع بعض في نفس الوقت، وتختار شكل التصوير يكون عامل ازاي من كذا شكل علشان لو بتصور Vlogs مثلًا، وكمان تقدر تختار العدسة اللي تقدر تصور بيها من الكاميرات الخلفية سواء العدسة الـWide او العادية. 
   اضغط للتحميل :- Dualgram 
3. تطبيق Video Lite 
   
   
   
   تطبيق حلو جدا و مفيد جدا جدا بصراحة ده تطبيق بيخليك تقدر تشغل يوتيوب ويوتيوب ميوزك من غير أي إعلانات خالص، وتقدر كمان تقفل الـLock والفيديو يفضل شغال صوت ميفصلش وتقدر تعمل Minimize للشاشة وتفتح أي تطبيق تاني زي فيس بوك او واتس اب ويفضل شغال معاك عادي من غير أي مشاكل. و دا احلى حاجة فيه انى لو متابع محتوى مش لازم افضل فاتح الفيديو لا عادى ممكن اتابعه ونا شغال بردو على التليفون 
   اضغط للتحميل :- Video Lite
4. تطبيق BgRem: remove background video 
   
   ده تطبيق مميز ومهم وبيعمل حاجه مفيش اى تطبيق تاني بيقدر يعملها وهو انه بيقدر يشيل اى خلفية لأي صورة او فيديو عندك متخيل حتى الفيديو  بس لازم يكون في انترنت علشان يقدر يشتغل لإنه بيرفع الصور والفيديوهات اللي بتشتغل عليها على النت وبعدين بيحملها تاني لما بيشيل خلفيتها، تقدر تشيل خلفية وتركب خلفية تانيه برنامج فعلا مميز و جميل جدا و مفيد .
   اضغط للتحميل :- BgRem: remove background video
   
5. تطبيق Font Keyboard - Good Fonts 
   
   
   
   

   ده تطبيق كيبورد تقدر تغير منه شكل الكيبورد لأشكال كتير تقدر تختار منها  شكل يعجبك وتستخدمه، وكمان تقدر تكتب منه بخطوط مختلفة  بيوفرلك كذا خط شيك ومميز تقدر تكتب بيهم بشكل مميز جدا 
   طريقة التثبيت 👇

   بتحمل التطبيق وبتدخل على الاعدادات بتاعت الموبايل وبتدخل على General وبعدين Keyboard وبتدخل على Keyboards وبعدين بتدوس Add New Keyboard وهتختار Fonts Keyboard و بس كدة استمتع بالتطبيق 
   اضغط للتحميل :- Font Keyboard - Good Fonts

اتمنى الجميع يكون استمتع بالموضوع و لو شايفة مفيد اكتبلى تعليق و استمر فى النشر .